Koleksi Pantun-Pantun AB


Pantun Hagan Atie
Tumatan Ayuhak bapandiran On Line
1 April 2005

W

Seruling nipis angkat ka pati
Ulah sarungnya babalang baldu
Kurehing manis mu maikat hati
Ilah dikalungi digalangi rindu

Datu Bagalung

Tapih batik kain baldu
mandi disumur kada bacukin
mun ngalih digalang rindu
bapadah nu umanya bawakan cincin.

samprong

Utuh kapanatan tagureng janak
Digawel malam tarus tailanan
Mun bapadah kanu umannyak
Kalukuah kana tinjak kuantan balanga tarabangan

tempirai

Tulak bapadah ka Utuh Lanji
Handak bagarit injam sanapang
Bapadah ka umanya wani lagi
Bapadah ka bini..!!!tu..pang

W

Di huma banyunya dalam
Banyak iwak bamacam rupa
jar umanya no problam
Ampunya awak badimapa!

He he he

Nyamannya mamakan karak
satumat kurihing satumat tatawa
Niat hati handak baparak
takutan disariki kali kadua...

tempirai

Pur Si napur
Kaladi baguyangan
Ako bapupur
Urang karindangan

Tajak

Por sina por
Hampalam barira.
Bahimat artie bapupor
Tampong ilah japun opera!


He he he

Kandangan jambatan papan
Martapura jambatan wasi
Kaganangan ka RT di wayah makan
Banyu liur gugur ka nasi.....



Pantun Hagan Siti

Tumatan Ayuhak Bapandiran On  Line
31 Mach 2005


Penyaungan

NYIUR GUMPAK GAGALUNDUNG
GAGALUNDUNG DI BAWAH TANAH
BAIK RUPA DAHAM BALINDUNG
BAUNGKAI KA TANGAH-TANGAH

Siti

NYIUR GUMPAK GAGALUNDUNG
GAGALUNDUNG SAMPAI KA KAKI
BAIK RUPA DAHAM BALINDUNG
SUPAN KULAAN RAMAI LALAKI

w

GAGALUNDUNG DI BAWAH TANAH

DI PARANGAN JANGAN MALALAR
BAUNGKAI KA TANGAH-TANGAH
BAPINANDUAN KILAR-MANGILAR

DH

TOK ANJANG TOK AKI
BAUMBAIAN MANYUBARANG TITI
MUN SUPAN KA URANG LALAKI
NGITO NGARANNYA DIYANG SEJATI

zul

NYIUR GUMPAK NYIUR PANDAN
NYIUR ANOM NYIOR GADING
LAWASNYA KADA BAPANDIRAN
ASA DANDAMAN AWAN ADING

samprong

BULIK MANYAPONG MANYUBARANG TITI
HAWASI SUNGAINYA ADA BUHAYA
UMAI LAWASNYA ANDIKA KADAK BAPANDIRAN WAN SITI
HADANGE INYAK KAINAK DI PUTRAJAYA

W

TITI LAWAS DI ULAH TANDU
KAYU BARUTI DIPAKU LAPAN
DI TEWAS IMBAHTU DI RINDU
AGAR SITI BA'AMPIH SUPAN

He he he

BATANAM SI KACANG LANDIR
DAHAM BUAHNYA SAMPAI MANUHA
APA GUNA LANTIH BAPANDIR
SALAWASAN BASUNGKUP BAPATAK MUHA...

W

HIPUP GANGAN DIINTANG PIRING
BAWAH PIRANG ADA KAMUNA
HIDUP JANGAN KAYA TANGGILING
WAYAH DITIRING BAPATAK MUHA

samprong

TUMATAN PAHANG KA KUALA RUNGKUP
SINGGAH SATUMAT DI KOTA MALAKA
KANAAK SUPAN KA KULAAN MATAN BASUNGKUP
MUN SUPAN DIMUHA BAKICING HA MATA..





Pantun Papagian Hagan Diyang Siti

Tumatan Ayuhak Bapandiran On line
24 June 2004

zul

Kalayangan batali banang
Pagat talinya gugur ka bumi
Siang malam taganang-ganang
Urang diganang kada paduli

Anonymous
202.188.228.74

Siang malam taganang-ganang
Urang diganang kada paduli
angah ijul, siti bukannya saurang
banyak haja diang, pangganti diri

zul

Siti Nurhalija Siti Muslihat
Baumbaian manjarang katupat
Tuhuk dah ako ni mangayat
Tagal kada dapat-dapat

Tungko Julak

Baumbaian manjarang katupat
Baras katupat kada ditampi
Tuhuknya mangayat kada dapat-dapat
" UMPAMA MIMPI DALAM MIMPI "

DH

Tarasa sunyi di dalam hati
Tulak manjarat burung kenari
Cuba tatapkan iman di hati
Ganang sayang isteri sendiri

Utoh Lanji

Burung karuang tarabang melayang
Tarabangnya lanjar bahari-hari
Bini saurang sayang disayang
Diang nang banjar di cari-cari

DH

Anjang bini anjang laki
Bini putih laki hirang
Udah dasar urang lalaki
Kada mayo isteri saurang

zul

Bulan Ogos bulan merdeka
Cuti sakulah berbulan madu
Mun kaito ujar andika
Jom sunyaan bibinian bamadu

DH

Tarasa sunyi di dalam hati
Tulak manjarat burung kenari
Cuba tatapkan iman di hati
Ganang sayang isteri sendiri

zul

Ka puhun nyiur maambil handayang
Batangnya pulang diulah titi
Isteri nang ada tatap disayang
Isteri hanyar tatap dicarie

DH

Buah nangka buah tiwadak
ditanam urang di Langkasuka
bamadu ako kada handak
makan madu teramat suka





Bapantunan
Tumatan Ayuhak Bapandiran On line
21 June 2004

Dandan Setia

Sirih kuning basampuk urat,
Lakasi tanam ditangah halaman,
Putih kuning batahi lalat,
Kurehingnya maulah hati dandaman.

DH

Ngimun teh di kadai mamak
Bulik ka rumah disasah panyangat
Lajunya bukah awak layang
Kulit hirang awak gin lamak
Tatap ku sayang tatap kuingat
Nginto tandanya hati dah sayang

Pantun hagan abang sayang.....

Siti

2, 3 kucing habang balari
Mana abang handak ku cari

.... hagan abang Banjar, dari Siti............

Inul cindul

nginum gin di kadai mamak
kadai kulaan bukan kadaada
balaki jua dgn mamak
abang banjar hagan di wada....

mamak jua nang nyaman......barelaan.

DH

Teh mamak jua nyaman jar
Nyaman jua masakan utoh
Hati handakkai abang Banjar
Taga abang Malayo manjadi judoh

Siti

Anak Banjar tulak balajar
Balajar manuai di parit dua
Biji padi dituai
Handak banar balaki banjar
Lalaki Banjar dah bibini dua
Hi, Napa tu ai



Home :: Kulaan Siber :: Koleksi Sastera :: Album Kulaan :: Guestbook